地球保衛隊收到線報外星人出沒梧桐山，登頂調查睇下咩嘢料，梧桐山943米係深圳最高外號鵬城第一峰，除咗用雙腳冇交通工具到達。
今日要調查秀桐道路線，由蓮塘過來比較近，爆鐵8號線去深外高中站出行上來又或者打車到達
秀桐道入口路邊有補給站
資訊一大堆唔驚唔識路
今日天氣麻麻，山上全部都係陰陽路狀態非常之神秘
工作人員叫人唔好帶點火用品上山
開始時唔見到幾多人上山，只係撞過幾個落山客
行冇耐有廁所，亦係秀桐道路線唯一廁所
跟住落來係無穹梯級
每隔一段距離有里程牌，基本上唔會迷路
全程都係靚路只係要上瘋狂梯級
最唔靚路都係咁樣，非常好行
睇唔到盡頭隊員已經上到傻咗
終於見到家鄉
以為到頂原來只係交會處, 轉碧桐道鵬城第一峰方向
離遠見有人劈緊嘢原來開菠蘿
一段腳程到達天池
有獎牌形記念品賣
天池位置有腸仔8蚊條水9蚊支唔算太貴, 支裝水係由挑夫擔上來所以貴得有原因
免費掃碼取證書，再上多幾廿級就係鵬城第一峰，上面大風到死吹到好鬼凍，陰陽路狀態又冇景睇，上完即刻落返來算數。
登頂證書
13度天氣冇風就好舒服大風就凍。
接好漢坡道
落一段向後望已經睇唔返上面
睇來都好似要落得幾深
來到小休位見到貓星人食緊薯片
食完瞓咗冇理我影佢相
離開小休位繼續落，路邊全係杜鵑花不過未開，要睇勁開花等多2個月。
間中見到有少少花。
因為陰陽路狀態都係望唔到底
落到底就係好漢坡廣場有補給有廁所，2024年12月26起呢度有雲巴來回電視塔
呢度水同埋腸都比天池平，因為有車路唔需要挑夫
未開花時十里杜鵑只係路一條, 開晒就唔同玩法
因為比外星人搞到陰陽路冇景睇而放棄登豆腐頭，改行車路去電視塔
大約行3km到電視塔
外星人真可惡，地球保衛隊用X死光消滅外星人
用凌雲道撤退，呢條出名魔鬼路線上或落都比較辛苦
凌雲道可直落到梧桐南站, 喺度上來班人死死地咁款
X死光開始見效
消滅外星人後見得返山頂
去海底撈慶功
路線圖
返回主目錄