濟洲行程完結, 5日4夜唔夠玩, 有藉口再去。 內陸機去首爾, 達成最後目標探肥仔金, 非武裝地帶(DMZ)唔必定要報團, 可以自行於龍山站坐DMZ列車, 每日來回只得一班車, 共同警備區(JAS)即係板門店必需報團, 出發前3日要登記護照等批, 如果唔批就冇得去, 為慳時間, 所以報名DMZ+JSA一日團, 咁就唔需要分2日。
濟洲市坐的士去機場方便又化算
第1次試T MONEY買早餐
睇外觀以為麻麻地但都幾好味
機場侯機區都有食店
奶站相當之受歡迎
內陸機大約每隔個零鐘一班, 班班都好多人
再見, 下次會返來
從機倉內拍攝白色格格
似唔似模型?
首爾仲有好多地可以有排起
市廳外觀好似笠住個膠袋
地底有間賣豬肉麵同埋餃幾好味
新村站行上地面, 有車仔檔
近來係唔係興個包咁樣孭?
跟住個包跟到弘大一帶
行入內街唔同咗, 非常熱鬧
當呢兩個兄弟係咁望住你好唔專心跳舞, 四周又好多姊妹好唔專心睇佢兩個跳舞, 佢哋可能係差人
順便望下啲飲食同埋時裝店, 影街頭相
唔知係書店有咖啡飲, 定係咖啡店有書睇
夜晚實係好多嘢食
但係唔知點解去咗買樂天利外賣
要達成11日著同一套衫, 洗衫是必需的
乾衣就可以即著, 快靚正
為咗去搵肥仔金, 早起都係值得, 我參加中央高速一日團
一路行車都見到鐵網, 好似香港同深圳咁
DMZ售票處, 導遊去搞入場劵
團友就去廁所, 拍攝下咁
全部人都要轉DMZ專用巴士
參觀第三地道前先要睇片
然後將行李鎖入儲物櫃
坐電車落第三地道
電車會落到70米深, 大約10分鐘, 另外有條人路, 可以步行落去, 我觀察過唔係好長, 3分鐘單程冇問題, 我問導遊可唔可以自己試, 佢話得, 不過最好坐電車啦
落去一定要帶安全帽
高過150CM就會頂頭, 睇下帽頂就知, 我18X全程要縮下縮下咁行
因為地底唔可以拍攝所以冇相, 地面呢件就係模仿地道盡頭個門口, 其實唔係盡頭, 當南韓人發現地道之後就裝自動感應炸彈, 如果門後有任何活動就會爆炸, 所以就已經行到盡
DMZ例景
都羅山展望台
對面就係肥仔金地頭, 天清就可以望到開城, 同埋則邊有個軍營
肥仔金一定有好多FANS, 唔係邊使咁多望遠鏡
1號公路就係貨運通道, 08年開始收檔冇車行
天唔清就要靠睇地圖先明
鐘樓範圍係唔可以進入
都羅山站, 以前真係可以去平壤, 08年起收檔, 另外可以見到DMZ列車16:27開出去龍山站
可以用1村人買飛入月台參觀同埋吸印留念, 我本身想買但職員話內部有調動所以要等, 最後冇入
站內陳設, 有記念品店
我去咗站外望下個月台就當係買飛入咗去
都羅山站外觀
京義線路線圖
歷史資料
呢條路係當年南韓人夾錢將兩邊連接返好, 估唔到而家收檔
於臨津閣午餐
牛肉窩
仲有專人幫手煮
餐牌
望拜壇等分隔兩地嘅人春秋二祭來呢度有啲嘢搞下
鐵路望落冇特別, 枕木上面用DMZ回收廢鐵路啲鐵, 再刻上京義線站名
記念品
望落都估到, 都係寫啲嘢掛響度嗰隻
當年最後一架返回南韓火車頭, 已經係蜜蜂竇
條橋炸咗, 紅色指住係子彈痕, 睇得出舊時啲人唔理咁多就淝, 左手邊係修復後新路
到開城路線圖
自由之橋, 雙方簽署停戰協定後由呢度放南韓俘虜
自由之橋下到此一遊
入唔到去隔住個網都照殺
臨津閣外觀
臨津閣頂部
原來附近有遊樂場, 凍到咁邊有人玩
自由之橋方向
守呢度真係悶到抽筋
大樹下有郵箱
入紅色就係堅寄信, 入啡色就係俾分隔嘅人慰問
終於成功接近肥仔金地頭
搵唔到肥仔金, 佢啲手下都去晒煲煙影都冇
大景睇得清楚啲真係走晒架
可能太凍入晒屋打邊爐, 入去見到得枝旗放響度
專人昅到實慌你撻咗支旗咁
我發散晒人手都搵唔到肥仔金
咁樣都算做係踩到肥仔金地頭啦
都玩唔夠5分鐘就話要撇, 我想淨係影軍裝都冇機會, 唯有打姐姐格仔
響藍屋度只有指定方向可以拍攝, 所以人人影完出來都係咁上下, 但去完藍屋就唔同, 雖然都有地方唔可以影但自由咗
地球保衛隊隊員及軍裝合照
有興趣可以去樓上資料館望下
開頭以為係咁, 最少都見到肥金手下
咁先係波, 而家唔掂
肥金手下連帽都跌埋俾人撻咗
上車後還返之前簽落張生死狀等你留念
回程已經係黃昏, 一日團按排良好, 導遊姐姐又醒目又靚, 想見到佢就要報英文團, 因為佢唔識講中文
日落啦, 團友話要帶我去玩
好似唔使錢咁
原來就係呢度
見到呢樣就明啦
就係呢啲囉
我就出外面八掛下
個人形好搞鬼
可以行去中間架喎
個廣場都幾正, 最衰大風
晚餐食烏冬返去訓
返回主目錄