冇指定行程, 可以行行企企, 咁就繼續去睇軍事資料, 參觀首爾戰爭紀念館, 又名首爾軍事博物館, 三角地站出行5分鐘到達, 免費入場, 軍事迷去玩應該有啲搞作。
去完肥仔金地頭, 睇完咁多館, 個人覺得韓國分南北就係因為俾大國玩嘢, 好簡單講下歷史, 好久以前曾經三國時代分別係高句麗, 新羅同百濟, 大唐搞謝百濟同高句麗後, 高麗國建立, 明朝時期國號改為朝鮮, 清朝/日本明治維新時期又俾日本搞謝。
直到二戰結束, 日本戰敗走佬之後冇人有能力運作一個國家, 外國勢力藉機抽水, 中美英蘇合作托管朝鮮半島, 美蘇為利益, 將北緯38度作為南北分界瓜分朝鮮半島, 南面由老美協助選出揸FIT人成立大韓民國, 北面有樣學樣由蘇聯協助選出話事人, 成立朝鮮民主主義人民共和國。
兩國都聲擁稱有整個朝鮮半島主權, 拒絕承認38分界線, 朝鮮於1950年突襲韓國, 推進到釜山, 即將勝利一刻, 聯合國軍吹雞參戰打返轉頭差啲到鴨綠江收朝鮮皮, 點知中國人民志願軍無啦啦幫拖, 最後兩邊都頂唔住, 展開停戰談判暫時唔打住, 直到現在, 所以朝鮮半島長期維持戰爭狀態, 戰爭仍未結束。
兩邊互相指對方極度邪惡, 朝鮮人唔會話自己係北韓人/韓國人, 韓國人都唔會話自己係朝鮮人, 朝鮮人投奔南韓就冇得返轉頭, 南韓人入過朝鮮境都要坐監, 同一民族同一語言文字, 但係被人玩嘢分開咗, 有啲直到死都見唔得返面, 係相當無奈。
瞓到日出先起身
博物館門口個藝術品已充分反映打杖嘅不幸
一講打杖, 點都會有個紀念碑望下
經過廣場, 再行上樓梯就可內進, 但我揀睇飛機大炮先
進入展場見到大量展品, 都唔知睇邊樣先好, 揀隻船玩, 船身開放可以內進, 紅色穿咗嗰啲係當年俾人淝爆戰績
登上艦橋
船倉入口
駕駛室內部, 我個船牌雪咗幾年終於都大派用場
呢種船唔係咁易揸, 借啲易乜都搞下
雙車船來架
望後面中晒彈, 我估當時揸船都死梗
控制室好似安全好多, 冇俾人淝中, 最少穿唔到入來
其實倉門出面已經蜜蜂竇
與炮塔合照
B52轟炸機, 到而家仲有飛緊未退休
咁大隻機好心就米整到咁逼啦
仲有好多飛機大炮等住你參觀
M110自走炮, 同佢合照
M107自走炮, 外觀上差唔多
T59坦克, 好似係老笠返來, 因為係大陸嘢
呢架有人添喎, 不過唔可以上去
運兵裝甲車內部
我唔係兵只係扮兵
要留意, 唔係乜都可以爬上去
呢隻一定係愛美神飛彈
肥仔金飛彈
高射炮
幾碌同時淝, 可以講上中下路都無懈可擊
S2反潛機
S2反潛機副嘢
F4C戰鬥機
F4C戰鬥機對嘢
有星呢啲就係老笠返來啦
米格19都係, 人地揸架機來老笠咗
仲有直昇機, 多到唔記得邊隻打邊隻
機身細細幾闊落, 架B52都唔係波
進入展覽館, 牆上刻住為國捐軀啲人個名
望返出去廣場
館內黑暗, 因為要用頂部一線光射落來, 記念戰時陣亡英雄
舊城模型
參觀完博物館冇去坐車, 選擇步行去梨泰院
有單車借, 唔知遊客得唔得呢?
唔係行好遠, 15分鐘就到梨泰院
唔知係唔係近美軍基地, 多數都西式餐廳
橫街仲有更多, 多到選擇困難症
入咗以為韓式連鎖店, 個名叫HONGKONG BANJUM
點咗煎餃, 炸銀絲卷
海鮮湯麵
海鮮炒麵, 咁其實關HONGKONG咩事? 啲味都唔啦更
世界真係細, 俾我撞到債仔, 順便追埋條過夜數
團友叫我自己行上去睇汗蒸幕, 梗係唔上
離開梨泰院又步行去漢江方向, 鐵網入面就係基地
過咗條鐵路
通過盤浦大橋
傳聞呢度夜晚有七彩噴水表演, 又聽說冬天唔表演, 所以我冇等
我記得舊年來呢個位一個人都冇, 而家終於有一個人
有單車租
唔係太貴, 如果唔覺凍都可以玩下
屋邨樓下竟然有練大隻設備, 屋邨仔真係未見過
立即練2嘢, 原來係玩返自己體重冇得調節, 但都好過冇
倒立裝置都好實淨
行到高速巴士站已經天黑, 晚餐時間求其食啲飯圈
今日步行路線圖
東大門著燈花仲未拆
但已經好污糟, 灰晒色
聞名不如見面, ISSAC除咗望住佢整好吸引之外, 唔覺非常好食, 又唔係唔好食, 屬正常嘢, 但熱咖啡唔掂
跳KPOP, 睇下啲細路女幾咁細
原來係跳緊TT, 都唔識睇, 返去瞓
返回主目錄